|
«Անկեղծ ասած՝ հայկական կողմի արձագանքը տարակուսանք է առաջացնում, քանի որ խոսքն ընդամենը լրագրողի արած արտահայտությունների մասին է», ասել է Զախարովան՝ մեկնաբանելով Կիսելյովի հետ կապված սկանդալը։ «Մենք Երևանից միշտ լսել ենք, որ Հայաստանը հանձնառու է խոսքի ազատությանը և որ ՀՀ ներկայիս ղեկավարությունն այն դարձրել է իր համար առաջնահերթություն»,- նշել է Զախարովան: Հիշեցնենք, որ ՀՀ ԱԳՆ-ն հայտնել է, որ 2025թ. հունվարի 12-ին Ռուսաստանի Դաշնության համառուսաստանյան պետական հեռուստատեսության եթերում թողարկված «Շաբաթվա լուրեր» հաղորդման առնչությամբ, որի ընթացքում հնչեցվել էին արհեստականորեն գեներացված խոսույթներ Հայաստանի Հանրապետության ինքնիշխանության և տարածքային ամբողջականության դեմ, հունվարի 15-ին ՀՀ ԱԳ նախարարություն է կանչվել ՀՀ-ում ՌԴ դեսպան Սերգեյ Կոպիրկինը: Հանդիպման ընթացքում դեսպանին է հանձնվել համապատասխան բողոքի հայտագիր: |
***
Մոսկվան բացասաբար է վերաբերվում, այսպես կոչված, ՀՀ-ում ԵՄ առաքելությանը, սահմանին շարունակվում են փոխհրաձգությունները։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով Հայաստանում եվրոդիտորդների ներկայության հնարավոր երկարաձգման հարցին։
«Այն օտար մարմին է Հարավային Կովկասի տարածաշրջանի համար։ Եթե առաքելությունն այդքան համառորեն ուղղված է կայունությանը, ապա ինչո՞ւ նրա մանդատը երկարաձգելու որոշման ժամանակ հաշվի չի առնվում տարածաշրջանային խաղացողի կարծիքը, որը էապես շահագրգռված է իրավիճակի կարգավորմամբ։
***
|
Ռուսաստանի, Հայաստանի և Ադրբեջանի փոխվարչապետներից կազմված եռակողմ աշխատանքային հանձնաժողովը երբեք չի քննարկել Հայաստանում արտատարածքային միջանցքների ստեղծման հարցը։ Այս մասին ճեպազրույցի ժամանակ հայտարարել է ՌԴ ԱԳՆ ներկայացուցիչ Մարիա Զախարովան։ «Հակառակը՝ պայմանավորվածություն է ձեռք բերվել, որ երկրներն ունեն իրավասություն և ինքնիշխանություն այն երթուղիների նկատմամբ, որոնք անցնում են իրենց տարածքով»,- ասել է Զախարովան։ |
