Ալիևը հայտարարել է, որ Վենսը բարձրացրել է Բաքվում հայ գերիների հարցը։
«...Նա (ԱՄՆ փոխնախագահը - խմբ.) բարձրացրել է այս հարցը, և ես ներկայացրել եմ Ադրբեջանի դիրքորոշումը այս հարցի վերաբերյալ, և այդքանով՝ վերջ», - ասել է Ադրբեջանի նախագահը France 24-ին տված հարցազրույցում։
Ալիևը հստակեցրել է, որ մտադրված չէ ազատ արձակել Լեռնային Ղարաբաղի ռազմաքաղաքական ղեկավարության անդամներին, որոնք «դատապարտվել» են ցմահ և երկարատև ազատազրկման։ Նա նրանց մեղադրել է «պատերազմական հանցագործություններ կատարելու մեջ», ինչը իբր հաստատվել է «վկաների ցուցմունքներով»։
***
|
Ալիևը Մյունխենում հարցազրույց է տվել France 24-ին։ Հարցին՝ օգոստոսի 8-ին Սպիտակ տանը տեղի ունեցավ եռակողմ հանդիպում, նախաստորագրվեց խաղաղության համաձայնագիրը, արդյո՞ք շուտով կլինի լիակատար խաղաղություն և հարաբերությունների լիակատար կարգավորում, Ադրբեջանի նախագահն ասել է․ «Կարծում եմ՝ այո, քանի որ այս պատմական փաստաթղթի ստորագրումը նշանակում է, որ հակամարտությունն ավարտվել է, մտել ենք խաղաղության շրջան։ Անցել է ավելի քան վեց ամիս, սահմանին իրավիճակը հանգիստ է, կրակոցներ չկան, կան առևտրային հարաբերություններ։ Այսպիսով, մենք տեսնում ենք, որ խաղաղությունն արդեն ձեռք է բերվել: Որոշակի ընթացակարգեր պետք է կատարվեն՝ մինչև վերջնական խաղաղության համաձայնագրի ստորագրումը»։ Ավելի վաղ Ալիևը ելույթ էր ունեցել համաժողովի ժամանակ ու ասել, որ «Հայաստանը պետք է փոփոխություններ կատարի իր Սահմանադրության մեջ՝ Ադրբեջանի հետ խաղաղության համաձայնագիր ստորագրելու համար»։ |
Դիտեք նաև՝
