ԱԺ նախագահ Ալեն Սիմոնյանի կարծիքով «Պատիվ ունեմ» խմբակցության պատգամավոր Մարտուն Գրիգորյանն այժմ «շատ մեծ ցավի մեջ» է գտնվում․ «Ինքը քաղաքական շահից դրդված պաշտպանել է Վարդան Ղուկասյանի թեկնածությունը։ Ես տեղեկություն ունեմ, որ այդ պատճառով նա իր մերձավորների հետ շատ ծանր խոսակցություն է ունեցել։ Ես ցավում եմ իր համար, կարծում եմ՝ իրեն պետք է այս փուլում հանգիստ թողնել, որ վերքերը չցավեն, քանի որ իրա վերքերը շատ երկար են ցավելու»,- ասաց Սիմոնյանը՝ հավելելով, որ Վարդան Ղուկասյանի տեղը բանտում է և որ պետք չէ պաշտպանել նրան՝ մատնանշելով, թե ժողովուրդն է ընտրել․ «Գյումրիում ամենաշատ ձայները հավաքել է «Քաղաքացիական պայմանագիր»-ը»,- ասաց Սիմոնյանը։

***

«Ինչ-որ մեկին թվում է, որ վարչապետը մի բան ասի, մեկը կարա իրեն իրավունք վերապահի, տենց չանի՞»,- ճեպազրույցի ժամանակ ասաց ԱԺ նախագահ Ալեն Սիմոնյանը՝ անդրադառնալով ՔՊ փակ խմբում Նիկոլ Փաշինյանի կատարած գրառմանը, ըստ որի նա հորդորում էր, որ կուսակցության անդամներն իրենց ընտանիքներով ներկա գտնվեն 2023 թվականի Երևանի քաղաքապետի նախընտրական երթին և բացառեն վարչական ռեսուրսի օգտագործումը։
«Նա կուսակցության ղեկավարն է։ Այո՛, ինչ ասեց, պիտի անեմ, այլ հարց է, եթե պետք է քննարկեմ, կքննարկեմ։ Ինքը իմ երկրի ղեկավարն է ու իր խոսքը ամենակարևոր նշանակությունն ունի։ Երբ այլ կարծիք եմ ունենում, ասում եմ»,- հավելեց Սիմոնյանը։