ՀՀ ՆԳՆ ոստիկանությունը հայտնում է.

«Որպես անհետ կորած որոնվում է 3-ամյա Տիգրան Օվանեսովը
Այսօր` ժամը 18.00-ի սահմաններում, ՆԳՆ ոստիկանության օպերատիվ կառավարման կենտրոն հաղորդում է ստացվել, որ Գեղարքունիքի մարզի Ծափաթաղ գյուղի բնակիչ 2022 թվականին ծնված Տիգրան Օվանեսովը ժամը 16.30-ի սահմաններում կորել է։

ՆԳՆ Ոստիկանությունը և Փրկարար ծառայությունը ձեռնարկում են որոնողական ծավալուն աշխատանքներ։
Երեխայի գտնվելու վայրի վերաբերյալ տեղեկություն ունեցողներին խնդրում ենք անմիջապես դիմել Ոստիկանության մոտակա բաժին, զանգահարել 1-02 կամ 911»:

3-ամյա Տիգրանը բազմազավակ ընտանիքից է: Այս մասին «Փաստինֆոյին» հայտնել է  Ծափաթաղի համայնքապետը` նշելով, որ  ընտանիքում 5 երեխա կա։

Նրա փոխանցմամբ` երեխանները դրսում խաղալիս են եղել ։ Մեկը վերադարձել է տուն , իսկ Տիգրանը՝ ոչ։ 16:30-ին են նկատել, որ փոքրիկը տանը չէ։  Տիգրանից հետո ևս մի փոքրիկ ունեն ծնողները։