ՀՀ փոխվարչապետ Մհեր Գրիգորյանը լրագրողների հետ ճեպազրույցի ժամանակ հայտարարել է, որ Ռուսաստանից Հայաստան ներկրվող գազի գինը 2024-ին չի փոփոխվի.

«Այս պահի դրությամբ ունենք հստակ տեղեկություններ, որ 2024-ին սահմանին գազի գինը չի փոխվելու, վստահ եմ՝ նաև սակագինը չի փոփոխվի: Իմ ունեցած տեղեկություններով, հայաստանյան Գազպրոմը մայր Գազպրոմի հետ պայմանագիրն արդեն կնքել է 2024-ի համար, որով որևէ գնի փոփոխություն նախատեսված չէ»,- նշել է նա: